Mae’r coleg wedi’i leoli ar un campws sy’n edrych dros y ddinas, ac mae’r myfyrwyr yn manteisio ar holl gyfleusterau un o golegau chweched dosbarth mwyaf blaenllaw Cymru mewn amgylchedd diogel a chyfeillgar. 

Lle i weddio

Lleolir y capel yng nghanol y coleg mewn lleoliad eang a hardd.

Lle i astudio, Defnydd o TG a Moodle

Mae pob myfyriwr yn gallu defnyddio Moodle (Amgylchedd Dysgu Rhyngweithiol) sy'n galluogi dysgwyr a staff i weld cynnwys cyrsiau a chyflwyno gwaith cwrs o unrhyw le sydd â mynediad i'r rhyngrwyd, gan gynnwys o gartref.

Mae'r Ganolfan Adnoddau Dysgu yn llawer mwy na llyfrgell. Mae'r Ganolfan yn galluogi pob myfyriwr i weithio ar ei gyflymdra ei hun er mwyn cyflawni eu hamcanion dysgu unigol.

Mae'n llyfrgellwyr yn cynnig cymorth hanfodol ar gyfer pob rhaglen astudio yn ogystal â chyngor ar ddefnyddio deunyddiau adnoddau dysgu. Mae mynediad eang i'r rhyngrwyd i'w gael o fewn amgylchedd addysgol wedi'i rheoli.

Y Celfyddydau a Cherddoriaeth

Mae gan y coleg theatr ei hun ar gyfer cynnal cyngerdd a llwyfannu drama a rifíw. Mae'r ystafell hon wedi'i chyfarparu'n llawn ac yn cynnwys seddau, goleuadau a systemau sain.

Mae yna ystafelloedd ymarfer cerddoriaeth a chyfleusterau technoleg cerddoriaeth newydd hefyd.

Mae stiwdio celf a dylunio eang wedi'i lleoli ar lawr uchaf y coleg sydd wedi'i goleuo'n dda gan olau naturiol.

Pethau Eraill

Mae gan yr ystafell gyfryngau gyfrifiaduron Apple Mac gyda'r cyfleusterau golygu diweddaraf.

Gall myfyrwyr Ffiseg, Bioleg a Chemeg ddefnyddio labordai gwyddoniaeth sydd wedi'u cyfarparu'n dda ac offer arbenigol ar gyfer sesiynau ymarferol.

Lleolir siop goffi'r coleg yn y brif neuadd ger y ffreutur sy'n gweini prydau poeth ac oer am brisiau rhesymol.